| Meri Zindagi Bankar Aaye Tum Posted: 18 Nov 2012 06:32 AM PST fiki padi thi zindagi,
kuch rang lekar aaye tum,
nadan thi main aashiqi se,
dil lagi lekar aaye tum,
Zindagi ke bheed me sab kuch pakar bhi akeli thi,
mere bewafai ki galiyo me wafai lekar aaye tum,
Duniya ki berukhi me, kho gayi thi kahin,
ittefaak se hi sahi, mujhe dhundte hue aaye tum,
Haseen thi meri lazmiya, phir bhi kuch kami thi,
meri adhure shabnam me, shabaab bankar aaye tum,
Shikayat thi mujhe apne dil se jo har kahi bhatakta tha,
is bhatke musafir ki manzil bankar aaye tum,
Veerano me baste the mere chahat ke kafile,
wahi mohabbat ki rangeen mehfil lekar aaye tum,
Roshni thi phir bhi andhere me tha mera suroor,
meri zindagi ki raat me mere bedaag chand bankar aaye tum,
Saanse to chal rahi thi, magar zindagi ki talash thi,
yakeen maano ae jaan, meri zindagi bankar aaye tum… - Priya Mitra |
| Bura Main Nahi Posted: 18 Nov 2012 06:22 AM PST Majboori ne mashhur kiya,
Waqt ne tumse door kiya,
Haalat ne halaat banaye,
Dil ka bura main nahi…
Rishton ne kishte banayi,
Saath toh aakhri dum tak ka hai,
Agar kadam saath na de,
Toh Dil ka bura main nahi… - Manish Dhaker |
No comments:
Post a Comment