| Socha Na Tha Posted: 12 Oct 2012 05:00 PM PDT aisa bhi din aayega kabhi socha na tha
mera saaya hi mujhse bichhad jaayega kabhi socha na tha
wo insaan jo tha meri har muskaan ki wajah
mujhe tanha rotaa hua chhod jaayega kabhi socha na tha
jannat jaisa tha har lamha jiske saath se
uska khayaal mujhe tadpaayega kabhi socha na tha..
samajhta tha khud ko khushnaseeb tu aye Rajan
tera naseeb hi tujhse rooth jaayega kabhi socha na tha… - Rajan |
| Mera Armaan – Punjabi Posted: 12 Oct 2012 03:48 AM PDT kinj dassan te samjawan kiwen
mere dil da haal tenu sunawan kiwen
meri jind vi tu te meri jaan vi tu
mera dharm vi tu te mera imaan vi tu
enna taan fikr rabb da vi ni karda
mere layi taan roza vi tu te ramjaan vi tu
lagda nahi tere waajo dil mera
meri khushi vi tu te meri muskaan vi tu
dekhin kithhey chadd na jaayi iss paagal chandrey Rajan nu
mera armaan vi tu te meri pehchaan vi tu… (Punjabi Shayari) - Rajan |
| shaayar shaayari aur gazal Posted: 12 Oct 2012 03:43 AM PDT jab jawaani ki dehleez pe kisi ko kisi se pyaar hota hai
tabhi ek naya shaayar bhi taiyaar hota hai
jab dil ke dard aur jazbaat darz karne ko khulti hai diary
tab kahin banti hai koi dard bhari shaayari
aksar judaai me jab haath me kalam aur table pe jaam hota hai
aur “Rajan” jaison ki aashiqi ka charcha bhi aam hota hai
milne lagte hain lafz aur khud b khud kalam chalti hai
tab kahin jaake ek yaadgar gazal banti hai - Rajan |
| Main Bewafa Hi Sahi Posted: 18 Jun 2012 04:58 AM PDT aye khuda meri shaayri me wo asar karde
main bewafa hi sahi aashiqon me mera naam amar karde
kuch karde aisa ki asar ho jaaye meri duaaon me
ke mera gunaah chupp jaye meri hi wafaaon me
tu chheen le chaahe to meri kismat se har phool magar
kabhi koi kaanta na aaye mere mehboob ki raahon me
meri kismat me tu likhde chaahe laakh aansoo..
magar kabhi koi aansu na dena mere pyaar ki nigaahon me
kar kabool fariyaad karta hai Rajan teri panaahon me
dam nikle to nikle koi gamm nahi, bass nikle mere yaar ki baahon me - Rajan |
No comments:
Post a Comment