Shayari

---

Meri Kahaani Posted: 05 Oct 2012 08:34 AM PDT meri bhi yaaro wahi puraani si kahaani wo tuti hui kashti wo majdhaar ka paani mujhe bhi kisi ne beech raah me chhoda naam diya bewafa aur dil mera toda maine bhi utahaya wahi badnaam sa kadam… mehbooba banaya sharaab ko aur haath me le li kalam ye tha ab tak ki shayari ka safar shaayad uski judaai de rahi hai mujhe ye hunar… uss haseena ki yaad me mai yunhi likhta rahunga aur isi tarah aap sabko yahan dikhta rahunga… - Rajan

Aise Halaat Posted: 05 Oct 2012 08:31 AM PDT Yu waqt ne dikhaya hamko hamari galtiyo ke natije, Jo soccha na tha aise halaato ko dekh, dil mera pasije, Aaj khud ko raashan ki kataro mein khada paata hu, Khett khaliyan se dur jaane ki saza shayad paata hu, Apne hi baccho se jawab sunna padta hai, Soch apne aane wale halaato ka, rona padta hai, Waqt itna bhi nahi apne apno se milne ke liye, Koun hai zimmedar mehfil mein tanhaiyon ke liye, Suvidhao ne banaya ham ko kitna lachaar, Isliye toh aaspataal mein lagi hai lambi kataar, Sochta hu abh bhi waqt hai sudhar jaayein ge, Jis raah ghar se nikale the, ussi raah lout jayein ge… - Ritesh Modi

You are subscribed to email updates from Shayari To stop receiving these emails, you may unsubscribe now.	Email delivery powered by Google
Google Inc., 20 West Kinzie, Chicago IL USA 60610